Neh 3 | ZomZIV | STEP | Siampi Eliashib le a lawm siampite nasem dingin kuan uh a, Tuu Kongpi a ciangpha uh hi. Amaute in ap uh a, a kongkhakte a munah thuahin a apsa uh Zakhat Tausang dong tun uh a, Hananel Tausang dong a zo uh hi.

Nehemiah 3

Kulh Ciangte

1 Siampi Eliashib le a lawm siampite nasem dingin kuan uh a, Tuu Kongpi a ciangpha uh hi. Amaute in ap uh a, a kongkhakte a munah thuahin a apsa uh Zakhat Tausang dong tun uh a, Hananel Tausang dong a zo uh hi. 2 Jericho mite in a ban zomto uh a, amau zomah Imri’ tapa Zaccur in a ciang hi. ^a

3 Hassenaah’ tapate in Ngasa Kongpi a ciangkik uh hi. Amaute in a zawlte, khung uh a, a kongkhakte, a kalhna le a kalhna zawlte a munah a thuah uh hi. 4 Hakkoz’ tapa Uriah, tapa Meremoth in a zomah a puah hi. Ama zomah Meshezabel’ tapa Berekiah tapa Meshullum in puahpha a, tuateh ama zomah Baana’ tapa Zadok in zong a puahpha hi. 5 Tua ban zomah Tekoa mite in puahpha uh a, ahi hangin amau ukte ^{▼▼3.5 Ahikeh amau Topa ahikeh ukpipa} sawl bangin a uliante un a hanciam nuam kei uh hi. ^c

6 Paseah’ tapa Joiada le Besodeiah’ tapa Meshullam in Jeshanah ^{▼▼3.6 Ahikeh Lui} Kongpi a ciang kik hi. Amaute in a zawlte khung uh a, a kongkhakte a kalhnate, a kalhna zawlte a munah a thuah uh hi. 7 Amaute zomah Gibeon le Mizpah pana mite - Gibeon mi Melatiah le Meronoth mi Jadon-te in Euphrates-Gal gamkhen ukpa thuneihna nuai-a omte in a puahpha uh hi. 8 Harhaiah’ tapa Uzziel, kham seekpa in a zom puahpha a; tua ban zomah paknamtui bawlte khat Hananiah in a puahpha hi. Amaute in Kulh Zai ciang dong a ngeina a bangsak ^{▼▼3.8 Ahikeh amaute in khenkhat nusia} uh hi. 9 Jerusalem gam phelkhat ukpa Hur’ tapa Rephaiah in a zom puahpha hi. 10 Hih zomin Harumaph’ tapa Jedaiah in ama inn galsantak puahpha a, ama zomah Hashabneiah’ tapa Huttush in puahpha hi. 11 Harim’ tapa Malkijah le Pahath-Moab’ tapa Hassub in a khen tuam khat le Meikhuk Tausang a puahpha hi. 12 Jerusalem gam phelkhat a ukpa Hallohesh tapa Shallum, a tanute in huh a, a zom a puahpha uh hi. ^f

13 Hanun le Zanoah a tengte in Kuam Kongpi a puahpha uh hi. Amaute in lam kik uh a, a kongkhakte a kalhnate le a kalhna zawlte a munah a thuah uh hi. Amaute in Ek Kongpi dong kaih ^{▼▼3.13 Hebrew ah tong tul khat (meter 450 bang)} zanga sung zong a puahpha uh hi. ^h

14 Beth Hakkerem gam ukpa Recab’ tapa Malkijah in Ek Kongpi a puahpha hi. Amah in ciangpha-a a kongkhakte, a kalhnate le a kalhna zawlte a munah a thuah hi. ⁱ

15 Mizpah gam ukpa Col-Hozeh’ tapa Shallun in Tuikhuk Kongpi a puahpha hi. Amah in ciangpha-a a tung khuhin a kongkhakte a kalhnate le a kalhna zawlte a munah a thuah hi. Amah in Kumpipa’ Huan gei-a Siloam ^{▼▼3.15 Hebrew ah Shelah, Sheloah tawh kilamdang lo tua pen Siloam} Bual kulh zong David Khuapi pana paisuak kahlei dong a puahpha hi. 16 Ama galah, Beth Zur gam phelkhat ukpa Azbuk’ tapa Nehemiah in David hante tawh ^{▼▼3.16 , Septuagint Vulgate khutgelh pawlkhat le Syriac ah han} kigalsai san, bawltawm bual le Galhang Inn dong a puahpha hi. ^l

17 Ama zomah Levi-te in Bani’ tapa Rehum khutnuai-ah a puahpha uh hi. Ama pangah Keilah gam phelkhat ukpa Hashabiah in ama gam tangin a puahpha hi. 18 Ama zomah Keilah gam a phel dangkhat ukpa Hanadad’ tapa Binnui ^{▼▼3.18 Hebrew khutgelh nih, Septuagint khutgelh pawlkhat le Syriac (tg.24 zong en in) Hebrew khutgelh khempeuh ah Bavvai} ukna nuai-ah a khuaneu mite in a puah uh hi. 19 Amau zomah Mizpah ukpa Jeshua’ tapa Ezer in galvan koihna kahtohna maisan panin a kiu dong khen dangkhat a puahpha hi. 20 Ama zomah Zabbai’ tapa Baruch in a kiu panin tulpi Eliashib lutna dong aamtakin a puahpha hi. 21 Ama zomah Hakkoz’ tapa, Uriah’ tapa Meremoth in Eliashib inn lutna panin tua mong dong khen dangkhat a puahpha hi.

22 Ama zoma puahphate a kimkota om siampite ahi uh hi. 23 Amaute galkhatah Benjamin le Hasshub in amau inn maisan puahpha uh a; amaute zomah, Azariah’ tapa Maaseiah, tapa Ananiah in a inn gei puahpha hi. 24 Ama zomah, Henadad’ tapa Binnui in Azariah’ inn pan a kiu le kulh kiu ciang khen dang khat puahpha a, 25 Uzai’ tapa Palal in a kiu galsan teng le kumpi inn tungnung pana dawkkhia zum cingte omna kiang tausang teng a puahpha hi. Ama zomah Parosh’ tapa Pedaiah 26 le Ophel mualneu tunga teng biakinnpi-a nasemte in nisuahna lam manawhin Tui Kongpi gal santak dong le tausang dawk a puahpha uh hi. 27 Amaute zomah Tekoa mite in tausang dawkpi panin Ophel kulh dong a khen dang khat a puahpha uh hi.

28 Sakol Kongpi tunglam teng ahileh siampite in amau inn mai ciat uh a puah uh hi. 29 Amaute zomah Immer’ tapa Zadok in ama inn galsan tak teng a puahpha hi. Ama zomah Nisuahna Kongpi cing Shecaniah’ tapa Shemaiah in a puahpha hi. 30 Ama zomah Shelemiah’ tapa Hananiah, le Zalaph’ tapa gukna Hanun in a khen dang khat puahpha uh hi. Amaute zomah Berekiah’ tapa Meshullam in ama omna inndei maisan teng a puahpha hi. 31 Ama zomah kham seekpa Malkijah in Etcianna Kongpi galsan-a biakinnpi nasemte le sumbawlte inn dong le kulh kiu tunga inndei dong puah a; 32 tuateh kulh kiu tunga inndei le Tuu Kongpi kikal kham seekte le sumbukte in a puahpha uh hi.